Monday, August 20, 2007

မင်းအတွက် ကိုယ့်ရဲ့ နန်းတော်

သူ့ကို ပြောချင်တဲ့ စကားတွေကို ကဗျာလေး ရေးထားတာ ...

မင်းအတွက် ကိုယ့်ရဲ့ နန်းတော်

ဒါ .. မင်း ၀င်လာမလားလို့
တည်ထားတဲ့ ကိုယ့်ရဲ့နန်းတော်ပေါ့
မင်းနှစ်သက်မယ်လို့ ထင်ပြီး
ဆန်းဆန်းပြားပြားအရာတွေ ဖန်ဆင်း
ခမ်းခမ်းနားနားဖြစ်အောင် ပြင်ဆင်ထားခဲ့တာ။

မင်းသွားရာ လမ်းမှာ
စိတ်ရှုပ်စရာ ဖြစ်နေမှာမဟုတ်။
မျှော်လင့်ချက်တွေ အိပ်မက်တွေနဲ့
တယုတယ တည်ထားခဲ့ပေမယ့်
မင်း ခေါင်းခါလိုက်ရုံနဲ့
အငွေ့ပျံ ပျောက်ကွယ်သွားမှာ။

မဟုတ်ဘူး .. မဟုတ်ဘူး
ဒါ .. မင်းထင်သလို
ခဏတာ ပျော်ပါးဖို့
ကစားကွင်း မဟုတ်ဘူး။
ဗဟုသုတ ရလိုက်မယ့်
ပြတိုက်လဲ မဟုတ်ဘူး။
မင်းဘ၀အမောတွေ ဖြေပေးမယ့်
အိမ်ကလေး ဖြစ်စေချင်ခဲ့တာ။

မင်းဝင်လာစေချင်တဲ့ စိတ်ဇောနဲ့
ဆန္ဒစောပြီး ဖန်ဆင်းခဲ့တာကြောင့်
မင်းပြန်ထွက်မသွားအောင် ပိတ်ထားနိုင်မယ့်
တံခါးတွေ တပ်ထားဖို့ မေ့သွားခဲ့တာ။ ။

ခရီရေတာ
19.8.2007

6 comments:

Layma said...

special တံခါးတွေ ဒီဇိုင်းထုတ်ပေးနေပါတယ်….

MELODYMAUNG said...

အလယ်လယ် မိုက်တယ် ဒါပေသိ ပြန်မထွက်သွားစေဖို့ အဓိကအချက်ကျန်ခဲ့သကိုးကွ

hnin said...

ဟုတ်ပါ့မလား ကိုခရီရေတာရဲ့၊ ဆောက်တုန်းက မှန်တံခါးတပ်ထားမိတယ်ထင်တယ်၊ သေချာပြန်ကြည့်ဦး။

Anonymous said...
This comment has been removed by a blog administrator.
aphyuyaung said...
This comment has been removed by the author.
aphyuyaung said...

ရတယ်..တံခါးလိုဘူး။ နန်းတော်ထဲမှာပဲနေမှာ၊ နန်းတော်ဖန်တီးရှင်ကိုလည်း ခေါ်ထည့်ထားမယ်။
တခြားမှာနန်းတော်တွေလျှောက်တည်လို့မရအောင်။ <:o)