ပန်းကလေးသို့
ဒီကဗျာလေးက ကျနော့် အသက်၂၀တုန်းက ရေးခဲ့တဲ့ ကဗျာလေးပါ။ (ဟီး .. အသက်က ၂၀ကျော်လေးပဲ ရှိသေးတာ။ ဘယ်လောက်ကျော်ပြီလဲ ဆိုတော့ တော်တော်ကျော်ပြီ။) နဲနဲ ပြန်ပြင်ထားပါတယ်။ ခံစားကြည့်ကြပါဗျာ။ ပန်းကလေးသို့ လေယူရာသင်းပျံ့နေတဲ့ စာနာချင် သိချင်ပေမယ့် ပန်းကလေးရယ်
ပန်းကလေးရယ်
မင်းဘ၀လမ်းတစ်လျှောက်
ပူပြင်းခြောက်သွေ့
မိုးစက်နဲ့ မတွေ့ရတဲ့နေ့တွေ
လရောင်မလင်း
ကြယ်ရောင်ကင်းတဲ့ ညတွေ
ငိုရှိုက်လန့်နိုး
အိပ်မက်ဆိုးတွေနဲ့များ
ကြုံခဲ့ရသလားဟင်။
မင်းရဲ့ ရနံ့တွေကြားမှာ
မျက်ရည်စက်ရဲ့ အငွေ့အသက်တွေ
ကိုယ်တွေ့လိုက်ရသလိုပဲ။
ဝမ်းနည်းခြင်းဆိုတဲ့ အရာကို
မသိစေလိုတာကြောင့်
မေးလိုတဲ့ နှုတ်ဖျား
ဆွံ့အသွားခဲ့ရတယ်။
ကိုယ်လေ ...
တန်ခိုးရှင် ဖြစ်ခွင့်ရမယ်ဆိုရင်
မင်းပျော်ရွှင်မယ့် လေပြည်ညင်း
ဖန်ဆင်းလို့ ပေးလိုက်ချင်ရဲ့။ ။
`တန်ခိုးရှင် ဖြစ်ရင်´လို့ ရေးထားတာ မဟုတ်ဘူးနော်။ `တန်ခိုးရှင် ဖြစ်ခွင့်ရမယ်ဆိုရင်´လို့ ရေးထားတာ .....
No comments:
Post a Comment